إعادة تأهيل العجان بعد الولادة: من التعافي للقوة

شو هو العجان؟

العجان، أو البيرينيه متل ما كتير بيسمّوه بلبنان، هو المنطقة الصغيرة بين فتحة المهبل وفتحة الشرج. تحت الجلد في عضلات بتلتقي بهالنقطة، وهي جزء أساسي من قاع الحوض: بتساعد بالتحكم بالبول والغازات، بتسند الأعضاء، وإلها دور بالإحساس والعلاقة الزوجية.

شو بيصير فيه بالولادة؟

وقت الولادة الطبيعية، العجان بيتمدّد كتير ليطلع الطفل. أحياناً بيصير تمزّق، ودرجاتو هيك:

ومرات الطبيب بيعمل قص مقصود (بضع العجان / Episiotomy) ليسهّل الولادة. بكل الحالات — تمزّق أو قص أو ولا شي — العضلات بتكون تمدّدت وبتحتاج وقت وتدريب لترجع قوية.

أول أسابيع: التعافي

• النظافة والراحة: غيّري الفوط بشكل منتظم، واغسلي بمي فاترة.
• المسكنات حسب إرشادات طبيبك — الحركة الخفيفة بتساعد بالشفاء، والألم بيعيقها.
• تجنّبي الإمساك: مي، ألياف، وملين إذا وصفلك ياه الطبيب. وقت الحمام، ما تحزقي — ومرات بيساعد تسندي الجرح بفوطة نضيفة من قدّام.
• مسكات خفيفة لقاع الحوض: كتير مستشفيات بتنصح فيها بعد الولادة لأنها بتحسّن الدورة الدموية وبتساعد بالتعافي، طالما ما في ألم وطبيبك موافق.

إعادة التأهيل خطوة بخطوة

المرحلة ١ — الوصلة والتنفّس

ترجعي تحسّي بالعضلات وتنسّقيها مع النفس: الرفعة مع الزفير، والارتخاء الكامل مع الشهيق. الدليل الكامل لتمارين قاع الحوض.

المرحلة ٢ — القوة والتحمّل

مسكات أطول، تكرار أكتر، وبوضعيات مختلفة: مستلقية، قاعدة، واقفة، وبعدين بالحركة.

المرحلة ٣ — الوظيفة والرجوع للرياضة

حمل ولادك، الدرج، التمرين بالأوزان، وبعدين الركض والقفز. إرشادات مختصين قاع الحوض بتنصح ما ترجعي تركضي قبل حوالي ١٢ أسبوع من الولادة، وبعد تقييم للقوة وللأعراض — مهما كانت الولادة طبيعية أو قيصرية.

مين لازم تشوف مختص؟

• كل أم عندها تمزّق من الدرجة ٣ أو ٤ — عادة بيكون في موعد مع اختصاصي علاج فيزيائي لقاع الحوض حوالي ٦ أسابيع بعد الولادة
• ألم مستمر بالعجان أو بالعلاقة الزوجية بعد ما يطيب الجرح
• تسريب بول أو غازات أو براز
• ثقل أو إحساس إنو شي نازل — اقري عن هبوط المبولة

العلاقة الزوجية بعد الولادة

كتير طبيعي تكون أول مرات مزعجة أو مؤلمة شوي، خاصة بعد تمزّق أو قص، ومع الرضاعة اللي بتخفف الترطيب. تمهّلي، استعملي مزلّق مناسب، واحكي بصراحة مع شريكك. وإذا الألم مستمر بعد ما يطيب الجرح، هيدا مش شي لازم تتحمّليه — المختص بيقدر يساعد.

أسئلة شائعة

روني كوكب

مدرّب لياقة وتغذية، إجازة بعلوم الرياضة، ودبلوم أوروبي بالتدريب من فرنسا. مؤسس برنامج SUPERWOMAN للأمهات. نزّل ٤٠ كيلو بنفسه. مش طبيب — هالمقال للتثقيف ومبني على إرشادات طبية منشورة، ومش بديل عن استشارة طبيبك.